موضوع: توبهـ أروح لـ/لكوفيرآإت..~> قصهـ مضحكهـ ..^^"~ الأحد ديسمبر 05, 2010 11:33 am
السلام عليكم ورحمة الله وبركاته .. قصهـ تموت ضحك.. في يوم من الايام الصعيبه فتحوا مشغل جديد وكان للأسف قريب من بيتنا قالت امي بنروح نشوف شغلهم كانه حلو نتعامل معهم ومن لقافتي الزايده قلت يمه خليها مره وحده نروح لها يوم الشبكه مو شبكة الإتصالات شبكه يعني يوم الملكه<-((لولولولوليش مباركين عرس الا.....)) المهم جاء الموعد و رحت للمشغل وتفاجأت من صغر المكان كأنه قوطي ويمكن اصغر ((الله يخارجنا)) قالت أمي خليها تبدا فيك وانا على نياتي وافقت وبكل سرورعلى طوول دربيت رااسي<-((راضعه الدلاخه)) مادريت اني اول ضحيه قالت الكوفيره: أهلين وسهلين نورتوا شو بدكون في عنا بدكير منكير..إلخ وأنا أقول في نفسي لا لا لا شكلها كوفيرتن ممتازهـ قالت أمي بنتي تبي إستشوار جلست عالكرسي والإبتسامه تعلو خشتي من قوة الابتسامه جاني شد عضلي في وجهي المهم جابت الفازلين قلت أكيد بدهن يديها !!!!! ماوعيت الا وهي تلطخ شوشتي ثمن شغلت الاستشوار ومست أم القذله لدرجة اني سمعت صوت الشعره يوم إنقطعت ومغطت جبهتي من قوة المغطه طلعت كتابه على جبهتي(وصلت حدك الأتماني) مو بس الجبهه حتى عويناتي وصلت أذني<-معركه واللي عانيت منه بجد إن الاستشوار حآآآآر وهي ترصه في راسي لين شبت في جمتي حسيت إن مخي من الحراره ساح وطلع مع إذني ولا بعد الكوفيره متحمسه تسحب راسي مره يمين ومره يساره وكل شوي كامختني طرررخ بالفرشه وأنا أي أح أإح أي ومازالت تلطخ من الفازلين يوم توهقت قالت شعرك أصير=قصير ومو متساوي وأصلا أنا قاصه قصة الفراوله وهي شكلها ماتعرف الا الكاريه<--كح كح فيه أقدم وأنا ساكته ابيها بس تخلص يوم خلصت وتمشط شوشتي عفوا قصدي لزقت شوشتي على جبهتي صرت كني زيديه ومن الفقش الزايد تقول بتجنني وأقولها مشكوره بس أبي اطلع بأي طريقه قبل ماتصلع بي قسم بالله خانقتني العبره وأحاول ابلعها وابتسم والدمعه مدقره واروح البيت كعابي وادخل على خواتي تسدحوا من الضحك ورحت أخذت مكعبات ثلج وحطيتها على راسي ابي ابرد على جمتي المسكينه وبسبب هذي الكوفيره الخايسه جتني حاله نفسيه من الأستشوار أحيانا" اسمع صوت المكنسه وانهبل أحسبه الاستشوار وتقديرا لحالتي قرروا اهلي إستعمال مكنسة الخوص بدال الكهربائيه بس عالأقل سالفتي أهون من سالفة أمي قسم بالله كل ماأذكرها افطس ضحك راحت لمشغل نفس الشي أول مره تجربه كان عندها مناسبة زواج المهم هالكوفيره استلمت امي ومعطت شعرها لين قالت العيد باتسر يقالها بتسوي تسريحتن صاحيه وماخلت توتسه مدري بنسه الا وغزتها في راس امي وامي استغربت انها ما إنتفخت أمي ماقالت شي وخلتها على راحتها يوم خلصت ناظرت امي المرايه وتلمح ذيك الفرقه في راسها من طولها تقول طريق الأفلاج وتدور التسريحه مابانت لأنها مرصوعه وتطرطع عليها أمي قالت: وش ذا تلعبين علي وش بلا تسريحتي مرصوعه أنا ابيها متفوخه قالت الكوفيره وهي معصبه بينوا بي سا تمو طن طاع ؟؟ !! ؟؟ !! الترجمه خليها شوي وبتنتفخ<-صلخه قويه قالت امي وش اللي شوي وبتنتفخ لايكون حاطه فيها بكينج بودر<-شبت فيها ههههههه عاشت امي غسلت شراع هالفلبينيه ماتلاحظون انكم فليتوها يالله أرقدوا ماله داعي . وبعد هالمعاناة مع الكوفيرا حرمت اروح لها مرتن اخرا اصلن كرهتها من كل قلبي وان شاء الله تكون عضه وعبرة للكل عشان مايروحون أي كوفيرا
عدل سابقا من قبل woooooow في الإثنين ديسمبر 06, 2010 1:48 pm عدل 1 مرات
موضوع: رد: توبهـ أروح لـ/لكوفيرآإت..~> قصهـ مضحكهـ ..^^"~ السبت فبراير 12, 2011 12:39 am
ههههههههههههههههههههههههههههههههههههههههههههههه مسكينه وربي مريت في ذا الاحساس قلت لها تقص شعري من تحت تخففه ومن فوق تتركه متساوي قالت اعرف قلت لها ابغى اقصر شيء غرتي اوكي قالت : اكيد ولووووو تدرون كيف طلعت من عندها أطول شيء في شعري غرتي ولا بعد قصيرررره مرررره تخيلو شعر أخوي أطول مني قسمـ بالله حسيتها محلقه شعري بمكيناه مثل الشباب